Her ser du brevet som i dag går ut på e-post til 72 lag og foreninger om stiftelsen sin ekstraordinære «koronastønad».
Fordelingen er slik:
Idretten 27 lag kr. 2548.000
Sang og musikk 12 lag kr. 172.500
Lagsarbeid 33 lag kr. 356.915
= sum kr. 3077.415
Sluttsummen tilsvarer det beløpet som Klepp kommune bevilger.
Kommunen vil etter planen forestå pengeoverføringen til den enkelte forening i uke 16.
Da håper Sparebankstiftelsen Klepp at dette blir et kjærkomment bidrag i en ekstraordinær tid.
GOD PÅSKE til alle lag og deres medlemmer!
Brev utgått til alle 72 lag og foreninger:
«Korona – stønad» til lag og foreiningar i Klepp
Styret i Sparebankstiftelsen Klepp har bestemt seg for å gje lag og foreiningar i Klepp ei gåve som ei handsrekning i denne vanskelege tida vi alle nå opplever.
Laget du representerer er tildelt kr. xxxx. Utbetaling vil skje så snart vi har det praktiske på plass, mellom anna avtale med Klepp kommune.
Sparebankstiftelsen Klepp vart stifta i 2015 i samband med samanslåinga av Time Sparebank og Klepp Sparebank. Stiftelsen eig 12,27 % av alle eigenkapitalbevisa i Jæren Sparebank. Gjennom eigarskapen i banken mottek vi betydelege beløp i form av utbytte på desse bevisa vi eig. Det er av desse pengane vi igjen kan dela ut som gåver til beste for lokalsamfunnet vi er ein del av. Me har derfor god grunn til å heie på vår eigen lokale bank.
Stiftelsen sin visjon er å «skape engasjement og glede». Av verdiar nemner me Fellesskap – Trivsel – Utvikling.
Ei av hovudoppgåvene Stiftelsen har, er å vera ein langsiktig og stabil eigar i banken. Men vel så viktig i desse tider er å bidra med gåver til allmennyttige og gode formål. Det er derfor styret vil støtta lag og foreiningar med ekstra midlar for å koma gjennom den utfordrande tida som ligg føre oss.
Gåva er primært tenkt å vera ei hjelp til å dekkja faste utgifter det enkelte lag måtte ha. Det er umogeleg for oss å ha oversikt over kva dette vil vera, og vil bety for dei ulike laga. Vi har derfor i godt og tett samarbeid med kulturadministrasjonen i Klepp valt å byggja på det grunnlaget kommunane har for tildeling av støttemidlar.
Den samla «korona–støtta» utgjer kr. 3 mill.. Den blir utbetalt utan den sedvanlege søknadsprosedyren og krav om dokumentasjon. I våre retningsliner for tildeling av gåver går det fram at vi normalt ikkje støttar driftsutgifter. Men i denne situasjonen vi nå står i, har vi valt å prioritera på anna vis. Nå vil vi støtta drifta i laga slik at dei blir minst mogeleg skadelidande i denne utfordrande perioden.
Som mange av dykk kjenner til, er neste frist for å søkja om gåver 30. april. Alle søknader som kjem inn innan fristen, vil bli vurderte, men det må påreknast at det er denne saka som nå vert prioritert. Styret håper at det er forståing for det.
For meir informasjon om Stiftelsen kan de gå inn på vår heimeside:
www.sparebankstiftelsenklepp.no. For spørsmål kan me kontaktast på tlf 45170919.
Me vil ynskja alle lykke til med vanskelege prioriteringar og dei utfordringar vi alle føler på kroppen nå.
Med helsing
Sparebankstiftelsen Klepp
Elfin Lea, styreleiar